Mountain Alliance for Pastoralists & Minority People

 

 

Viti Ndërkombëtar i Kullotave dhe Barinjve (IYRP 2026)
Takimi Rajonal i Barinjve në Ballkanin Perëndimor
www.minoritymap.org/rg

 

Programi i Vullnetarizmit për të Rinj

 

THIRRJE PËR APLIKIME

 

1. Rreth Thirrjes

Programi i Vullnetarizmit për të Rinj, në kuadër të Takimit Rajonal të Barinjve në Ballkanin Perëndimor (WBRG), si pjesë e Vitit Ndërkombëtar të Kullotave dhe Barinjve (IYRP 2026), ka kënaqësinë të ftojë aplikime për Vullnetarë të Rinj.

WBRG është një nismë rajonale që synon organizimin e rreth 15 Takimeve Zonale ndërmjet datave 19 prill dhe 31 maj 2026, duke mbledhur barinj, të rinj, studiues, organizata të shoqërisë civile dhe praktikues nga e gjithë rajoni i Ballkanit Perëndimor.

Vullnetarët e Rinj do të luajnë një rol kyç në mobilizimin e komuniteteve, mbështetjen e koordinimit të aktiviteteve, forcimin e pjesëmarrjes së të rinjve dhe kontribuimin në rritjen e ndërgjegjësimit dhe dialogut politik.

2. Detajet e Angazhimit

Titulli i Pozicionit: Vullnetar i Ri (WBRG)
Lloji i Angazhimit: Vullnetar i Ri (në terren dhe/ose online)
Entiteti Pritës: Programi i Vullnetarizmit për të Rinj – WBRG (i lehtësuar nga The Grassroots Institute)

Vendet e Angazhimit:

• Shqipëri
• Kosovë
• Maqedonia e Veriut
• Bosnje dhe Hercegovinë
• Mali i Zi
• Serbi

Kohëzgjatja e Angazhimit: 3 muaj
Data e Fillimit: 1 mars 2026
Data e Përfundimit: 31 maj 2026

Disa detyra mund të realizohen në distancë përmes formave të vullnetarizmit online.

3. Sfondi dhe Konteksti

Organizata e Kombeve të Bashkuara ka shpallur vitin 2026 si Viti Ndërkombëtar i Kullotave dhe Barinjve (IYRP 2026), për të njohur rolin kritik të kullotave dhe komuniteteve baritore në ruajtjen e ekosistemeve, sigurinë ushqimore, biodiversitetin dhe trashëgiminë kulturore.

Për realizimin e objektivave të IYRP në rajonin e Ballkanit Perëndimor, WBRG synon të:

• Krijojë hapësira për dialog, shkëmbim dhe mësim mbi baritorinë (pastoralizmin)
• Promovojë menaxhimin e qëndrueshëm të kullotave
• Permiresoje jetesën dhe të drejtat e barinjve
• Mbështesë mbrojtjen e mjedisit dhe përshtatjen ndaj ndryshimeve klimatike
• Nxisë pjesëmarrjen e të rinjve në jetën demokratike dhe komunitare
• Promovojë të drejtat e barinjve në kontekst kombëtar dhe ndërkombëtar

4. Roli dhe Përgjegjësitë

Vullnetarët e Rinj do të mbështesin programin në tre faza kryesore:

A. Faza Para-Aktivitetit (Mars–Prill 2026)

Vullnetarët do të:

• Mbështesin komunikimin dhe mobilizimin e barinjve dhe të rinjve pjesëmarrës
• Asistojnë në fushatat e mediave sociale dhe komunikimit
• Kontribuojnë në anketimet e barinjve dhe mbledhjen e të dhënave
• Mbështesin krijimin e partneriteteve dhe kontaktimin e sponsorëve
• Ndihmojnë në aktivitetet për mbledhje fondesh
• Ofrojnë mbështetje gjuhësore (maqedonisht, serbisht, shqip, anglisht, frëngjisht)

B. Faza e Aktivitetit (Prill–Maj 2026)

Vullnetarët do të:

• Ndihmojnë në menaxhimin dhe koordinimin e aktiviteteve
• Ofron mbështetje logjistike dhe administrative
• Lehtësojnë aktivitete dhe sesione për përfshirjen e të rinjve
• Mbështesin dokumentimin, raportimin dhe komunikimin
• Ofron mbështetje në përkthim dhe komunikim

C. Faza Pas-Aktivitetit (Maj 2026)

Vullnetarët do të:

• Kontribuojnë në hartimin e rekomandimeve dhe inputeve politike
• Mbështesin shpërndarjen e rezultateve të aktiviteteve

5. Kriteret e Pranueshmërisë

A) Kategoria e Vullnetarëve të Rinj

Aplikantët duhet:

• Të jenë ndërmjet moshës 18 dhe 35 vjeç
• Të demonstrojnë motivim dhe përkushtim ndaj vullnetarizmit
• Të jenë të gatshëm të kontribuojnë në iniciativa mjedisore dhe komunitare
• Të kenë diplomë të shkollës së mesme ose arsim më të lartë. Në raste të jashtëzakonshme, mund të përjashtohet kërkesa për arsimim formal.

Të rinjtë mund të aplikojnë:

• Individualisht
• Si pjesë e grupeve formale ose informale të të rinjve
• Përmes shkollave, universiteteve ose organizatave rinore

Përparësi do t’u jepet:

• Studentëve
• Të rinjve nga komunitete rurale, malore dhe të margjinalizuara

Kategoria e Vullnetarëve Senior (role të tjera)

Aplikantët duhet:

• Të jenë 35 vjeç e lart
• Të kenë ekspertizë dhe përvojë relevante
• Të jenë të gatshëm të mentorojnë me përkushtim vullnetarët e rinj

6. Kompetencat e Kërkuara

Kompetencat Thelbësore

• Përkushtim ndaj vullnetarizmit
• Aftësi për të punuar në grup
• Respekt për diversitetin dhe përfshirjen
• Interes për mbrojtjen e mjedisit dhe zhvillimin e qëndrueshëm
• Aftësi të mira komunikimi

Aftësi të Dëshirueshme

Të paktën një nga aftësitë e mëposhtme është e dëshirueshme:

• Media sociale dhe komunikim
• Organizim eventesh
• Hartim anketash dhe mbledhje të dhënash
• Mobilizim dhe angazhim komunitar
• Mbledhje fondesh dhe krijim partneritetesh
• Komunikim shumëgjuhësh

7. Trajnimi, Mbikëqyrja dhe Mbështetja

Vullnetarët e përzgjedhur do të marrin:

• Orientim dhe trajnim para fillimit të angazhimit
• Mbikëqyrje të vazhdueshme nga Koordinatorët Zonale dhe ekipi qendror
• Mbështetje mentorimi, sipas rastit

8. Kushtet e Angazhimit

Ju lutem vini re:

• Ky është një angazhim vullnetar dhe i papaguar
• Rimbursimi i shpenzimeve të pranueshme mund të merret ne konsiderate në kushte specifike
• Vullnetarët do të marrin një Certifikatë Zyrtare Pjesëmarrjeje
• Vullnetarët e dalluar mund të marrin çmime vlerësimi

9. Mundësi për Mësim dhe Zhvillim

Përmes kësaj eksperience vullnetare, pjesëmarrësit do të:

• Fitojnë përvojë praktike profesionale
• Zhvillojnë aftësi udhëheqëse dhe organizative
• Forcojnë kompetencat ndërkulturore dhe bashkëpunimin rajonal
• Kontribuojnë në mbrojtjen e mjedisit dhe veprimet për klimën
• Angazhohen në pjesëmarrje demokratike dhe dialog politik
• Marrin pjesë në hartimin e rekomandimeve për aktorë rajonalë dhe ndërkombëtarë

Organizatat partnere mund të ofrojnë gjithashtu orientim për mundësi të mëtejshme akademike ose profesionale.

10. Si të Aplikoni

Kandidatët e interesuar duhet të vizitojnë faqen e internetit https://www.minoritymap.org dhe të gjejnë njoftimin për Vullnetarët e Rinj, ku do të jetë i disponueshëm linku i Formularit të Aplikimit.

11. Informacione të Mëtejshme

Koordinatorja Rajonale – Programi i Vullnetarizmit për të Rinj
Martine Wolff
Tel: +355 68 544 3237
Email: martine.wolff@yahoo.com

Koordinatori Rajonal – Media & Komunikim
Philippe Bertinchamps
Email: philippebertinchamps@hotmail.com

12. Deklaratë për Mundësi të Barabarta

Programi i Vullnetarizmit për të Rinj është i përkushtuar ndaj diversitetit dhe përfshirjes. Inkurajohen fuqimisht aplikimet nga të rinj me prejardhje të ndryshme, veçanërisht nga komunitete rurale, malore dhe të margjinalizuara. Të gjithë kandidatët e kualifikuar do të konsiderohen pa dallim gjinie, etnie, prejardhjeje sociale, aftësie të kufizuar apo statusi tjetër.